【媽媽的神奇小子】吳君如被4歲小演員感動　驚嘆小孩夠堅毅積極人生

電影《媽媽的神奇小子》由真人真事改編，講述殘奧徑賽金牌得主蘇樺偉和媽媽「蘇媽」的奮鬥事蹟。

吳君如在片中演充滿母愛的「蘇媽」，一直陪伴有弱聽及四肢痙攣的兒子蘇樺偉成長。在《媽媽的神奇小子》電影中，由4名演員飾演不同年齡階段的蘇樺偉，分別由初生嬰兒、4歲小演員、演少年版的馮皓揚及演成年版的梁仲恆演繹。

吳君如分別與4名演繹蘇樺偉的演員展示不同年齡階段的母子關係，4歲的小男孩演員本身亦不良於行，但在片場表現醒目精靈，懂得在鏡頭前演活角色，與君如在戲中有深深的互動交流，一舉手一投足亦帶動君如投入「蘇媽」角色。

君如指小演員在悶熱的環境下，耐心等待數小時埋位演出，加上本身不良於行，飾演痙攣而最終能站立一刻，顯出蘇樺偉的堅毅精神，令君如甚為感動。

她在其中一場戲要在悶熱的工廠工作，同時要照顧不良於行的兒子樺偉。

戲裏戲外都感受到「蘇媽」的艱難，君如說：「戲中的『蘇媽』其實從來都冇鬆過一口氣，睇住個仔唔係普通人，要扶住佢成長。」

君如在拍攝時不忍呼喝小朋友，但無奈要將戲拍好：「拍嘅時候真係好驚，4歲嘅小演員被我大聲喝，佢真係好驚，然後唔肯埋位，我當時覺得真係嚇親佢，自己係好入戲，但係令小朋友好驚。」

君如笑言最後使出「絕招」，是在拍攝前以10杯雪糕利誘小演員：「我話拍完畀10杯雪糕佢，我不停同佢解釋演戲其實係假，喺攝影機面前嘅演出係假嘅，真實我唔係咁。始終咁細嘅小朋友喺片場會害怕，佢真係好叻仔。」

另外，君如於戲中飾演的蘇媽造型橫跨80年代至千禧年代，每個年代造型以至場景擺設皆見劇組之用心，而一套四款的年代版角色海報亦於今天正式曝光。